Pitar Chalisa ki rachna aur mahatva
Jis tarah sabhi devi aur devtaon ki chalisa hai, usi tarah pitaron ki bhi chalisa hai. Shraddh Pitru Paksh mein ya pitaron ke mukti karm ke dauraan Pitar Chalisa padhna chahiye. Pitru Chalisa ka paath karne se aap apne pitaron ko prasann kar sakte hain.
Agar kisi ke jeevan mein baar-baar baadhaayen aa rahi hon to Pitru Paksh mein shraddh karm aadi karne ke baad is Pitar Chalisa ka paath avashya karna chahiye. Aisa karne se pitru dosh aadi baadhaayen door ho jaati hain aur pitaron ke aashirvaad se jeevan sukhmay ban jaata hai.
Amavasya tithi pitaron ko prasann karne aur unka aashirvaad prapt karne ke liye adhik mahatvapurn maani jaati hai. Ghar mein klesh se lekar har samay beemari ka vaas rahta hai to iski wajah pitru dosh ho sakta hai. Iske nivaran ke liye Vaishakh Amavasya par Pitar Chalisa ka paath zaroor karein. Pitar Chalisa ka paath karne se…
॥ Doha ॥
He Pitreshwar naman aapko, de do aashirvaad,
Charanaashish nava diyo, rakh do sir par haath।
Sabse pehle Ganpat paachhe ghar kar den manaava ji,
He Pitreshwar daya rakhiyo kariyo man ki chaaya ji॥
॥ Chaupai ॥
Pitreshwar karo maarg ujaagar। Charan raj ki mukti saagar॥
Param upkaar Pitreshwar keenha। Manushya yoni mein janm deenha॥
Maatru-pitru dev manjo bhaave। Soi amit jeevan phal paave॥
Je je je Pitar ji saai। Pitru rin bin mukti naahi॥
Chaaron or prataap tumhaara। Sankat mein tera hi sahaara॥
Narayan aadhaar srishti ka। Pitar ji ansh usi drishti ka॥
Pratham poojan Prabhu aagya sunaate। Bhagya dvaar aap hi khulwaate॥
Jhunjhunu ne darbaar hai saaje। Sab devo sang aap viraaje॥
Prasann hoy man vaanchhit phal deenha। Kupit hoy buddhi har leenha॥
Pittar mahima sabse nyaari। Jiska gun gaave nar naari॥
Teen mand mein aap biraaje। Basu Rudra Aaditya mein saaje॥
Naath sakal sampada tumhaari। Main sevak samet sut naari॥
Chhappan bhog nahin hai bhaate। Shuddh jal se hi tript ho jaate॥
Tumhaare bhajan param hitkaari। Chhote bade sabhi adhikaari॥
Bhanu uday sang aap pujaavai। Paanch anjuli jal rijhaane॥
Dhwaj pataaka mand pe hai saaje। Akhand jyoti mein aap viraaje॥
Sadiyon puraani jyoti tumhaari। Dhanya hui janm bhoomi humaari॥
Shaheed hamaare yahan pujaate। Maatru bhakti sandesh sunaate॥
Jagat pittaro siddhant hamaara। Dharm jaati ka nahin hai naara॥
Hindu, Muslim, Sikh, Isaai। Sab pooje pitar bhaai॥
Hindu vansh vriksh hai hamaara। Jaan se zyada humko pyaara॥
Ganga ye marupradesh ki। Pitru tarpan anivarya parivesh ki॥
Bandhu chhodkar inke charana। Inhi ki kripa se mile Prabhu sharan॥
Chaudas ko jaagran karvaate। Amavas ko hum dhok lagaate॥
Jaat jadula sabhi manaate। Naandimukh shraddh sabhi karvaate॥
Dhanya janm bhoomi ka vo phool hai। Jise pitru mandal ki mili dhool hai॥
Shri Pitar ji bhakt hitkaari। Sun lijiye Prabhu arj humaari॥
Nishdin dhyaan dhare jo koi। Ta sam bhakt aur nahin koi॥
Tum anaath ke naath sahaai। Deenan ke ho tum sada sahaai॥
Chaarik ved Prabhu ke saakshi। Tum bhaktan ki lajja raakhi॥
Naama tumhaaro let jo koi। Ta sam dhanya aur nahin koi॥
Jo tumhaare nit paanch palotat। Navon siddhi charana mein lotat॥
Siddhi tumhaari sab mangalkaari। Jo tum ye jaave balihari॥
Jo tumhaare charana chitt laane। Taaki mukti avasi ho jaave॥
Satya bhajan tumhaaro jo gaave। So nishchay chaaron phal paave॥
Tumhi dev kuldev hamaare। Tumhi gurudev praan se pyaare॥
Satya aas man mein jo hoi। Manvaanchhit phal paave koi॥
Tumhaari mahima buddhi badhaai। Shesh sahastramukh sake na gaai॥
Main atideen mateen dukhaari। Karahu kaun vidhi vinay tumhaari॥
Ab Pitar ji daya deen par keeje। Apni bhakti shakti kachu deeje॥
॥ Doha ॥
Pittaron ke sthaan do, teerath aur swayam graam।
Shraddha suman chadhe vahaan, pooran ho sab kaam॥
Jhunjhunu dhaam viraaje hain, pittar hamaare mahaan।
Darshan se jeevan safal ho, pooje sakal jahaan॥
Jeevan safal jo chahiye, chale Jhunjhunu dhaam,
Pittar charan ki dhool le, jeevan safal mahaan॥